Rap do Lameira

Aquí tendes a letra e a música do "Rap do Lameira" por se vos animades a aprendela enteira.

O alumnado de 6ºA cantan o "Rap do Lameira" para que todos o poidamos aprender, polo menos o retrouso.

Día do libro 2019: "Contos cooperativos"

Achégase o "Día do Libro" e mascota da biblioteca, Birlo, quere propoñervos algo, este ano crear "Contos cooperativos". Preguntarédesvos que é iso???.
Coma sempre deíxavolo todo ben explicado na seguinte carta.

Carta de Birlo

Celebrando o entroido. "XV Obradoiro da Filloa"

Un ano máis celebramos o entroido con doces típicos, disfraces relacinados cos proxectos que estamos traballando este curso (robótica e o río Lameira), concurso de disfraces, música e moito ambiente neste "XV Obradoiro da Filloa".

"Marcha Radetzky pola Paz". Día da Paz 2019

Así celebramos este ano o Día da Paz, a ritmo da coñecida "Marcha Radetzky" de J. Strauss (pai), que acompañamos con percusións corporais ao tempo que recitamos un texto alusivo á celebración. Previo ao canto colectivo o alumnado de sexto curso leu un manifesto que eles mesmos crearon.

"Un río de Paz". Día da Paz 2019

Unha das actividades que realizamos para celebrar o "Día da Paz e a non Violencia" foi a realización do mural "Un río de Paz" simbolizando o noso río Lameira, que enchemos de peixiños cheos de mensaxes de PAZ; oxalá que estes peixiños descendan ata os mares e poidan levar estas mensaxes a todo o mundo.

Marcha Radetzky pola Paz

Este ano propoñémosvos celebrar o Día da Paz con música clasica, ao ritmo da Marcha Radetzky de J. Strauss.

Animámosvos a intentar acompañala con percusións corporais, levando o ritmo da marcha ao tempo que repetimos un texto alusivo á celebración.

Deixámosvos un video co que podedes aprender as percusións corporais e o texto que tendes que intentar repetir ao mesmo tempo.

Poemas Arredor do Lameira

Durante o mes de novembro estivemos traballando a poesía seguindo a proposta da Asesoría de Bibliotecas para celebrar este ano o Día das Bibliotecas "Poéticas diversas na biblioteca escolar". 
Nós eleximos como tema das nosas creacións poéticas o río Lameira, como traballo dentro do Prorxecto iniciado o cursos pasado "Arredor do Lameira".
Aquí vos quedan as poesías que creastes, algunhas da vosa propia invención e outras a partir de poemas coñecidos.

Concurso de Tarxetas de Nadal 2018

Xa se achega o Nadal, e como cada ano no colexio empezamos a celebración destas datas co clásico concurso de Tarxetas de Nadal, este ano ademais propuxémosvos compoñer un pareado co que felicitar estas festas. Aquí podedes ver as tarxetas finalistas e gañadoras. 

Exposición "Poéticas diversas"

Como xa sabedes o tema deste curso para celebrar o Día das Bibliotecas é "Poéticas diversas na Biblioteca escolar".

Con tal motivo na biblioteca do centro tendes unha exposición de libros de poesía que podedes visitar e ler cos vosos alumnos durante este mes de novembro.

Como actividade posterior os equipos de Dinamización de Biblioteca e Dinamización Lingüística,  propoñémosvos que vos animedes a facer creacións poéticas, tomando como modelo unha poesía que vos guste e adaptándoa á temática do noso proxecto “Arredor do Lameira”.

Con todos os poemas recollidos elaboraremos o noso propio libro “Poemas Arredor do Lameira”.