Acción Poética

Acción Poética é un movemento artístico 

que transforma as rúas en lenzos de palabras e emocións. 

Esta expresión única combina a poesía, 

a prosa e o arte para plasmar mensaxes conmovedores. 

A patrulla na Radio-Tuxiña

 Hoxe o alumnado de 5⁰ entrevistou

 a dous compoñentes da patrulla de patio 

para que lles explicasen a súa experiencia

 ao formar parte deste equipo.

...é unha gran experiencia!!!

Praza da Amizade

Hoxe  a comunidade educativa do cole estivo de celebración. Inauguramos a Praza da Amizade!

Como testigo da celebración, 
unha placa de madeira dalle nome á nosa praza da Amizade.

" Hai un amigo en mi"

Versión feita para a ocasión a partir da banda sonora da película de Disney de "Monstruos S.A."

Artigo de prensa do Diario de Pontevedra

Moitas grazas a todos/as por facelo posible,

en especial a nosa ANPA!!

Xogos para o Patio de Recreo

 Hoxe o bo tempo acompañou á patrulla de patio 

e por fin sacaron ao patio as mochilas cos xogos de mesa,

para que o alumnado poida ter máis opcións de xogo no patio e compartan momento de ocio e disfrute entre eles.

As mantas que mercou a ANPA permítennos movernos 

e xogar en diversas zonas do patio 

ao igual que as mesas instaladas debaixo da lona.

Que ben se xoga na sombriña!

Formación profesorado: Convivencia.

CONVIVENCIA

 O profesorado do centro estámonos a formar

 para coñecer técnicas de resolución de conflictos,

estratexias e dinámicas que nos leven a mellorar 

a convivencia no centro. 

Entre todos farémolo posible.

Día Internacional da Discapacidade

Día 3 de Decembro 

Hoxe celébrase o día internacional da discapacidade.

No cole non quixemos deixar escapar esta ocasión 

para explicarlle ao alumnado que 

as barreiras están para rompelas.

 Así nos corredores apareceron QR 

que ao escanealos leváronnos a coñecer 

historias de persoas con moitas capacidades.

Animámosvos a investigar sobre:

 Wilshire,Pablo Pineda, Ángela Mora...

RECOMENDACIÓNS LECTORAS

Estes libros e outros semellantes na vosa Biblioteca!!!

IGUALDADE: 25N

 Mañá é o 25N e
 o alumnado do Sequelo non quería deixar de traballar 
a importancia que ten 

o respecto,
a liberdade de opinión e de decisión.
Porque non só doen os golpes, 
se non tamén os actos e as palabras.
Así que como din os de infantil:
Non lle contes contos e que faga o que queira!

ARTURO E CLEMENTINA

Recomendacións lectoras que podedes atopar na Biblioteca

Conto escollido para celebrar esta data.

💜💜💜💜💜💜💜💜💜💜💜💜💜💜💜💜💜

Na celebración do 25N no CEIPP Sequelo

 recordamos ás mulleres que temos arredor e representamos, defendemos e sentimos como todas elas.

Colgamos lazos con frases de apoio que pintamos de violeta.

Lemos un manifesto e descubrimos a Arturo e Clementina.

Tamén cantamos e bailamos 

para que se escoite alto o noso apoio ás mulleres,

 e pola igualdade.

Contos e Novidades para Ler

NOVIDADES
Polo Día das Bibliotecas 

Ante a proximidade do Samaín, o noso alumnado para os empréstitos desta semana escolleu contos de medo e ficción.

Aproveitando o Día das Bibliotecas mercáronse

 varios libros e contos para traballar nas aulas.

Contos para desfrutar e contar.

Non vos perdades estas novidades 

que están de medo!!!

Benestar e Convivencia: Os Medos.

 Esta semana na clase de 3⁰,fixemos 
unha dinámica para coñecer que cousas lles preocupaban,

que medos tiñan

ou que preocupacións no cole que non lles permitan estar a gusto...

Cada papel de cor era unha resposta 

que foi colocado na caixa correspondente;

 así asegurámonos de que fose anónimo 

e poideran expresar calquera idea.

Bravo!

Xa comezan a chegar novos títulos á biblioteca para traballar a convivencia e o respecto!

¡¡Moi Interesante!!

Reunión: Patrulla do Patio

 Patrulla do Patio

Hoxe foi a segunda reunión da patrulla de patio.

Deunos para facer moitas cousas:

chapas identificativas,

creamos os grupos de traballo e cada neno/a aportou ideas para decorar o noso banco da amizade.

Saíron cousas fermosísimas desas cabeciñas!

Charla de Rexurdir

" A Prevención do Acoso Escolar"

 Hoxe pola tarde ás familias do cole poideron asistir a unha charla sobre o acoso escolar. 

A charla foi impartida pola asociación Rexurdir,

onde se profundizou un pouco máis neste tema.

Grazas a Rexurdir

 por estar sempre disposta a compartir con nós 

os vosos coñecementos, e grazas ás familias que acudiron.

Charla: Prevención do acoso escolar.

"Prevención do acoso escolar."

 O próximo 14 de outubro a Asociación Rexurdir impartirá 

na nosa Biblioteca unha charla sobre 

" A Prevención do Acoso Escolar"

 en horario de tarde: 16:30h.

Estades invitados.

 

 

 PATRULLA DO PATIO

Desde o centro estamos a poñer en marcha

 unha iniciativa que ten como obxectivo facer 

uns patios máis inclusivos,

 que favorezan unha convivencia positiva.

Modelo das Chapas 

Será o distintivo que levará

 o alumnado que formará a Patrulla do Patio.

Benvida á patrulla de patio do Sequelo!

Manterémosvos informados...

 Xornada de convivencia co CEIP Carballal

Tras un curso de contactos

 a través de cartas personalizadas 

entre alumnado de 2º ciclo do noso centro

 e o alumnado de CEIP Carballal, 

o venres día 14 de xuño todos puideron coñecerse, 

falar e xogar xuntos. 

A lingua galega foi o noso eixo de unión.

O encontro foi nun día solleiro 

no parque da barriada co Carme de Marín, 

preto do CEIP Sequelo.

Unha grande experiencia para repetir!!!