Xornada escolar pola Paz

Día da Paz  

CEIP SEQUELO-MARÍN

O día 30 de xaneiro celébrase o día da Paz. 

Preparáronse varias cancións cantadas en galego, inglés e castelá: "Un planeta de paz" interpretada polo alumnado de 1º, 2º e 3º; e "Heal the world" por 4º, º5º e 6º.

Mural exposto no corredor da aula de inglés

Tendo en conta os países 

que cada clase escolleu para traballar o proxecto de centro, "Galicia polo Mundo", durante primeiras horas da mañá foise facendo o mural da Paz.

Un gran mural cheo de rapazada vestida cos traxes tradicionais dos seus países decora o corredor central do noso cole.

Arredor do mundo as parellas de rapaces xuntos pola paz 

sorrín.

 

  

💛💛💛💛💛💛💛💛💛💛💛💛💛💛💛💛💛💛💛💛💛

Tamén no corredor da Etapa de Infantil luce un mural da Paz.

Dedicaron uns días a confección dun mural cos seus momentos de Paz.

¡¡¡Un gran día!!!

PEACE!!!

Conmemorando o Día da Paz 2023

Despois das actividades realizadas nas aulas, os días previos;   e expostas polos corredores, o pasado día 30 conmemoramos todos xuntos o "Día da Paz", coa canción "O Progresso" e o lema: 

🕊️ "Se ti sorrís o mundo sorrirá"🕊️

Poemas de Paz 2023

Seguindo coas actividades realizadas para a conmemoración do Día da Paz 2023, o alumnado de 6º recita unha selección se poemas de Celso Emilio Ferreiro;  e un texto que eles mesmos construíron a partir do tema da auga dentro do PDI "Protexo o meu planeta! Protéxome eu!,  no que nos atopamos envoltos.

Radio Paz 2023

Polo "Día da Paz" os alumnos de 6º crearon varios programas centrados na Paz con cadansúa cuña, do que este elaborado por Uxía, Ramiro e Aylen, con Enzo e Marcos aos controles é un  exemplo.

Día da Paz 2023. "O Progresso" Roberto Carlos

Recuperamos neste día unha canción xa moi antiga, pero que transmite unha mensaxe que actualmente é aínda máis necesaria recordar que cando foi un éxito aló polos anos 70.

A pesar do tempo que xa pasou desde aquela, ven moi ben para conmemorar esta data, tendo en conta ademais, que este curso estamos traballando un PDI que titulamos "Protexo o meu planeta" Protéxome eu!".

Titúlase "O Progresso", do cantautor brasileiro Roberto Carlos.

Ímola cantar en portugués, pola similitude que ten coa nosa lingua. Traballando así o plurilingüismo.

Deixamos a versión oficial, e unha versión coa letra para que a aprendades.

 

 

Letra da canción "O Progresso" en portugués

Día da Paz 2022 "Mandalas pola Paz".

Recompilación das actividades realizadas para a conmemoración do Día da Paz. Enchemos os corredores de mandalas nas que deixamos as nosas mensaxes de Paz.

"Viraventos pola Paz". Día da Paz 2021

Este ano conmemoramos o Día da Paz e a non Violencia traballando a letra desta cantiga con música de Suso Vaamonde e letra de Xosé Neira Vilas. O noso alumnado encheu os viraventos de mensaxes de Paz que agardamos lleguen levados polo vento a todo o mundo.

Día da Paz 2021

Este ano celebraremos o "Día da Paz" o próximo día 29 de xaneiro coas seguintes actividades:

• Faremos "Viraventos pola Paz", nos que escribiremos as nosas mensaxes de paz.
• Traballaremos, na semana previa, a letra da canción "Cantarela dos nenos" de Suso Vaamonde, que forma parte do libro "Cantarolas para xente miuda".

Deixamos o vídeo coa canción e a letra:

 

 

"Cantarela dos nenos" 

Día da Paz 2021. Máis recursos para traballar o día da Paz

Deixamos tamén esta recompilación de recursos para traballar nas aulas o Día da Paz. A maioría son lecturas que se poden facer no tempo dedicado á "Hora de ler".

• Unicef: Manifesto contra a violencia na escola
• Amnistia Internacional: Manifesto 2000. Por unha cultura de paz e non violencia
• Texto completo: Manifesto 2000
  
• UNHCR ACNUR: Frases da paz para inspirar aos nenos
• Orientación Andújar: 1001 materiais, enalces e documentos para traballar o día da Paz
• Páxina da Xunta de Andalucía: Contos pola Paz
• Recompilación feita o curso pasado para traballar a data: Mulleres pola Paz
• Ayuda en Acción: Día escolar da Paz: actividades para a aula
  

Día da Paz e a non Violencia 2020

Este ano conmemoramos o "Día da Paz e a non Violencia" enchendo os corredores, con barquiños cargados de desexos de PAZ, completando o lema "Ao noso porto chegou un barco cargado de..."

O día 30 xuntámonos todos no pavillón para ler un manifesto que elaborou o alumnado de sexto curso; rematamos cantando e bailando o "Baile da Paz" de Mamá Cabra; e facéndonos o firme propósito de que estes desexos se convertan en realidade todos os días do ano.

Día da Paz 2020, "Mulleres pola Paz"

Para aqueles que vos animedes a profundizar un pouco máis no tema da "Igualdade e a Paz" propoñémosvos que investiguedes algunhas mulleres que traballaron ou seguen traballando pola Paz, para o que deixamos varias suxerencias e enlaces que vos poden ser útiles.

Mulleres pola Paz

• Malala Yousafzai (dereitos das nenas) https://www.bbc.com/mundo/noticias/2013/10/131007_malala_historia_lp

• Leymah Gbowee (as mulleres que detiveron a guerra) https://elpais.com/internacional/2011/10/07/actualidad/1317981027_542283.html

• Nurit Peled-Elhanan (a unión das familias aflixidas) https://es.wikipedia.org/wiki/Nurit_Peled-Elhanan

• Amira Hass (unha israelí entre palestinos) https://www.lamarea.com/2019/08/27/amira-hass-la-unica-reportera-israeli-que-vive-en-palestina/

• Berta Cáceres (loitou polos dereitos do seu pobo) www.bbc.com/mundo/noticias-america-latina-50643035

• Rigoberta Menchú Tum (Mulleres indíxenas pola paz) https://www.biografiasyvidas.com/biografia/m/menchu.htm

• Wangari Muta Maathai (a loita polo medio ambiente) https://mujeresconciencia.com/2016/11/16/wangari-muta-maathai-woman-tree-la-mujer-arbol/

Mulleres galegas pola Paz

• Isabel Zendal (Primeira enfermeira en misión internacional).

• Sofía Casanova (A primeira corresponsal de guerra.

• María Barbeito (Pioneira da renovación pedagóxica).

• Ana Soto (primeira traballadora social de Galicia. Fábrica Masó)

Máis información:

• Real Academia de la Historia http://dbe.rah.es/biografias/52862/isabel-zendal-gomez

• Artigo de Miriam Herbon http://miriamherbon.com/mujeres-luchan-por-la-paz

Os traballos presentaranse en formato cartulina e expoñeranse polos corredores, cada clase explicará o que aprendeu da figura traballada ás demais clases que o desexen.

"Día da Paz" 30 de xaneiro

Para celebrar o "Día da Paz" este ano propoñémosvos, en relación co PDI "Chegamos a bo porto" a actividade "Ao noso porto chegou un barco cargado de... " na que vos animamos a que completedes esta frase, que se vos dará escrita nun barquiño, cos vosos desexos de Paz. Recollerémolos todos en murais polos corredores.

Para a celebración conxunta de todo o colexio propoñémosvos cantar e bailar o "Baile da Paz" de Mamá Cabra. 

Deixámosvos a coreografía que fixeron o alumnado do CEIP "A Gándara" de Monforte de Lemos, que xa antes tiveron a mesma idea que nós para a celebración desta data; ao que aproveitamos para agradecerlle que se adiantaran aforrándonos así o traballo de crear unha nova.

"Marcha Radetzky pola Paz". Día da Paz 2019

Así celebramos este ano o Día da Paz, a ritmo da coñecida "Marcha Radetzky" de J. Strauss (pai), que acompañamos con percusións corporais ao tempo que recitamos un texto alusivo á celebración. Previo ao canto colectivo o alumnado de sexto curso leu un manifesto que eles mesmos crearon.

"Un río de Paz". Día da Paz 2019

Unha das actividades que realizamos para celebrar o "Día da Paz e a non Violencia" foi a realización do mural "Un río de Paz" simbolizando o noso río Lameira, que enchemos de peixiños cheos de mensaxes de PAZ; oxalá que estes peixiños descendan ata os mares e poidan levar estas mensaxes a todo o mundo.

Marcha Radetzky pola Paz

Este ano propoñémosvos celebrar o Día da Paz con música clasica, ao ritmo da Marcha Radetzky de J. Strauss.

Animámosvos a intentar acompañala con percusións corporais, levando o ritmo da marcha ao tempo que repetimos un texto alusivo á celebración.

Deixámosvos un video co que podedes aprender as percusións corporais e o texto que tendes que intentar repetir ao mesmo tempo.

Día da Paz 2018: "O tren da Paz"

Este ano conmemoramos o Día da Paz con esta actividade na que entre todo o colexio construímos "O tren da Paz". Cada vagón representaba un valor: compañeirismo, amor, amizade, diálogo, xenerosidade, responsabilidade, humildade, respecto, solidariedade, xustiza, igualdade;  que cada clase traballou nas datas previas.

O acto consistiu nunha posta en común na que entre todos construímos o tren.

Porque a Paz non é só cousa dun día, o tren está agora exposto polos corredores así que animádevos a pasar a velo, e ver máis detidamente o traballo dos vosos compañeiros. 

Canción para o Día da Paz "O tren" de Andrés Do Barro

Este curso para celebrar o Día da Paz imos construír o "Tren da Paz" a carón do río Lameira, é nada mellor que unha coñecida canción galega que fala de trens e ríos "O tren" do interpréte Andrés Do Barro.

Partindo desta coñecida, noutro tempo, canción; entre o alumnado de 5º e 6º  intentaremos facer unha letra axeitada ao noso río e á celebración da data.

Aquí vos queda a versión orixinal, cantada polo devandito intérprete, que ademais foi banda sonora dunha película dirixida por Mariano Ozores en 1971 e protagonizada tamén polo cantante, titulada "En la red de mi canción".

P

Celebrando o Día da Paz 2017

Así foi como conmemoramos este ano o Día da Paz, simulando cultivar os valores que nos levarán a acadar un mundo onde o froito sexa a PAZ.

Acrósticos pola PAZ. Sexto A.

Como actividade previa á celebración do "Día da Paz", o alumnado de Sexto A compuxo estes acrósticos. Se os queredes ver e ler con máis detidamente estarán expostos polos corredores.