Día da Paz e a non Violencia 2020

Este ano conmemoramos o "Día da Paz e a non Violencia" enchendo os corredores, con barquiños cargados de desexos de PAZ, completando o lema "Ao noso porto chegou un barco cargado de..."

O día 30 xuntámonos todos no pavillón para ler un manifesto que elaborou o alumnado de sexto curso; rematamos cantando e bailando o "Baile da Paz" de Mamá Cabra; e facéndonos o firme propósito de que estes desexos se convertan en realidade todos os días do ano.

"Día da Paz" 30 de xaneiro

Para celebrar o "Día da Paz" este ano propoñémosvos, en relación co PDI "Chegamos a bo porto" a actividade "Ao noso porto chegou un barco cargado de... " na que vos animamos a que completedes esta frase, que se vos dará escrita nun barquiño, cos vosos desexos de Paz. Recollerémolos todos en murais polos corredores.

Para a celebración conxunta de todo o colexio propoñémosvos cantar e bailar o "Baile da Paz" de Mamá Cabra. 

Deixámosvos a coreografía que fixeron o alumnado do CEIP "A Gándara" de Monforte de Lemos, que xa antes tiveron a mesma idea que nós para a celebración desta data; ao que aproveitamos para agradecerlle que se adiantaran aforrándonos así o traballo de crear unha nova.

Concurso de "Tarxetas de Nadal" 2019

Como cada Nadal xa temos aos gañadores e finalistas do concurso de "Tarxetas de Nadal 2019", este ano co tema "Chegamos a bo porto",  en relación co PDI que comezamos este curso.
Parabéns a todos e moitas grazas por participar un ano máis.