Letras Galegas 2020: "A caricatura de Ricardo"

Este 2020 está a resultar un pouco estraño, todas as celebracións que normalmente faciamos no colexio estamos a celebralas "dende a casa", esta vez é a celebración da Semana das Letras Galegas, dedicada este ano a Ricardo Carballo Calero. 

Unha vez máis temos que agradecervos a boa acollida que tivo pola vosa parte unha das actividades que vos propuxemos.

Aquí vos quedan todas as caricaturas que fixestes como homenaxe a Ricardo Carballo Calero.

"A caricatura de Ricardo"

Estivemos pensando que algúns de vos igual non vos atrevedes a debuxar unha caricatura de Ricardo Carballo Calero; por iso vos deixamos estas dúas webs que a poden facer por vós.

A primeira é Cartoonizer : Escolledes unha foto de Carballo Calero e descargadela no voso ordenador; vades á web Cartoonizer cliclando neste enlace. Dentro da  web clicades onde di "examinar" para buscar a vosa foto, subídela e escolledes o tipo de caricatura que queirades (xa que hai varias posibilidades); cando xa teñades a que máis vos guste descargadela para o voso ordenador clicando en "save" e enviádela como xa sabedes ao correo sequelonacasa@gmail.com

Quedan deste xeito:

 A segunda é Cartoon.Pho.To que funciona de maneira similar, onde di "selecciona foto" sube unha foto de Carballo Calero que se vexa ben de frente, clica en "face morphing" e cando aparezan os emojis clica no xesto que queres que faga. Cando teñas o que che gusta clica en "gardar e compartir" e por último en "descargar". Cando a teñas no teu ordenador xa podes mandala.

Queda deste xeito.

Dramatizando a Carvalho Calero

Dende a sección poemas dende a casa convidámosvos a que nos recitedes algún poema de Ricardo Carballo Calero. Votádelle imaxinación, podedes buscar toda clase de complementos e escenarios que nos axuden a comprender a súa obra.Aquí vos deixamos algúns dos poemas máis famosos do autor:

Enviade as vosas gravacions á dirección de correo electrónico sequelonacasa@gmail.com.
Os vídeos deben durar menos de un minuto, é importante que respectedes o tempo.

A caricatura de Ricardo

Como xa saberedes o 17 de maio “Día das Letras Galegas” está a piques de chegar. Este ano adicámosllo a Ricardo Carballo Calero que sobresaíu como historiador da literatura, crítico literario, filólogo, escritor, e dedicou a súa vida a dignificar o idioma e a cultura galegas.

Unha das súas obras máis divertidas destinada ós mais cativos é “As pitas baixo a choiva” que conta unha experiencia vivida cando era neno.

Podedes investigar algo máis sobre a vida e obra do autor si pinchades nesta ligazón: https://www.edu.xunta.gal/centros/cepsequelomarin/?q=node/1937 

Dende o CEP Sequelo queremos propoñervos que fagades unha caricatura do autor. 
Unha caricatura é un retrato no que, con intención crítica ou humorística, se deforman en exceso os rasgos característicos dunha persoa.

Aquí vos deixamos unha das fotos máis míticas do autor, atrevédesvos a caricaturizalo?

Enviade as vosas creacións á dirección de correo electrónico sequelonacasa@gmail.com