Lecturas Compartidas na Biblioteca

 SEMANA DO LIBRO

Comezamos a semana con lecturas compartidas na Biblioteca.
Despois de escoller os contos 
do recuncho de lecturas do noso proxecto,

 "Cóntame un Conto",
fixemos uns contacontos compartidos 

entre os ciclos das distintas etapas, Infantil e Primaria. 

 

Ler xuntos é unha práctica que fortalece o vínculo afectivo, estimula a atención, amplía o vocabulario 

e fomenta a imaxinación.

Tivemos ocasión de escoitar a lectura dun fragmento en catalán dun coñecido conto titulado, "A que sabe a Lúa".

Estes foron algúns dos contos

 que escoitamos na Biblioteca.

Todo o alumnado do colexio visitou esta maña a Biblioteca para escoitar e ler,

CONTOS

As veces estarmos calados para escoitar contos

non está tan mal!

 "Trécola Teatro"

Nunca pasan cousas tan divertidas e culturais como este luns.

Ademais de ler e contar contos na Biblioteca con outras clases poidemos ir ao teatro.

Sen saír do noso patio, e á sombra, 

desfrutamos dunha divertida obra de teatro.

O grupo Trécola Teatro escenificou o conto, 

"A pequena osa quere xogar"

As profes de Infantil amenizaron a espera

 con cancións e música.

Qué ben o pasamos!

Parábola: A Ovella Perdida.

Audiovisuais no Croma

 En apoio ao proxecto interdisciplinar de centro, 

dende a clase de Relixión traballamos

 os relatos curtos creados por Xesús, 

coñecidos como "As Parábolas do Mestre". 

A divertida técnica do Croma para o alumnado 

permite situar a historia nun escenario realista que fai máis próximo o relato.

Técnica Audiovisual do 

CROMA

Distintos momentos da gravación na aula de audiovisuais.

😉😉😉😉😉😉😉😉😉😉😉😉

Concurso: "O Vello dos Contos"

 

VIII Premios internacionais de pódcast Xosé Mosquera Pérez, «O Vello dos Contos»

O podcast da nosa participación no concurso de podcasts "O Vello dos contos" sobre a estrutura dos contos tradicionais galegos

"Hai moito tempo cando os animais falaban"

Semana do LIbro

Recomendacións Lectoras

 O 23 de abril celébrase o Día Mundial do Libro.

A razón é que o 23 de abril de 1616 morrían 

Cervantes, Shakespeare e Garcilaso de la Vega.

Estes son algúns títulos que podedes reservar na nosa Biblioteca

Colección de Clásicos adaptados en English

Cómics e libros de inxenio

Lectura colectiva: "Os Emigrantes"

 Lectura Colectiva na Biblioteca

"OS EMIGRANTES"

A Nosa Historia

Teatro na Semana do Libro

 

"SABELA e o PAXARO MÁXICO"

Celebrando a Semana do Libro e tendo en conta 

o lema deste ano proposto dende Asesoría de Bibliotecas: 

"Biblioteca escolar, a escena!"

os cursos de Infantil, 1º-2º asistiron na Biblioteca a unha función de teatro,  interpretada polo grupo "Tarabelos" titulado:

"Sabela e o Paxaro Máxico"

Canto nos gustou!!!

MOITAS GRAZAS!!!

Teatro pola Semana do Libro

 "O TRAXE NOVO DO REI"

Celebrando a Semana do Libro e tendo en conta 

o lema deste ano proposto dende Asesoría de Bibliotecas: 

"Biblioteca escolar, a escena!"

os cursos de 3º-4º-5º asistiron a un teatro na Biblioteca interpretado polo grupo "Tarabelos" titulado:

"O Traxe Novo do Rei"

ENCANTOUNOS!!!

Obradoiro de Pippi Mediaslongas

SEMANA DO LIBRO

Pippi Medialongas

Na clase de 2º de primaria estamos coñecendo moitas cousas relacionadas con Suecia,

un país de emigración para moitos galegos e galegas.

 Co gallo do 80 aniversario da publicación do primeiro exemplar de Pippi Mediaslongas, 

e coincidindo coa Semana do Libro, 

visitounos Jo, a nai de Rula.

Falounos de cómo xurdiu a posibilidade de publicar o libro, 

das súas características,

da vida da autora e doutras das súas obras.

Agasallounos con dous libros para os alumnos/as que responderon mellor a preguntas relacionadas con exposto e  outro para enriquecer a nosa Biblioteca de centro.

Fixemos moitas actividades relacionadas con Pippi e

 as súas aventuras.

Estamos moi agradecidos.

Visita de Luís Davila: Padriño da nosa Biblioteca.

BIBLIOTECA "LUÍS DAVILA"

Esta mañá, día 26 de abril, recibimos a esperada visita do padriño da nosa Biblioteca, "O Bichero"

Era moita a ilusión entre a rapazada e profesorado por coñecer a Luís Davila. 

A emoción de saber que un persoeiro tan relevante no eido da banda deseñada e a ilustración ía estar connosco, fixo que o sentir dos nenos ao verenno debuxar e falar da súa obra e vida,

 fose de gran expectación.

Os meses previos á visita tratamos de acercarnos ao seu traballo

facendo unha interpretación das súas láminas en distintas técnicas, 

que rematou en exposición e con premios,

dada a calidade dos traballos dos escolares.

O noso padriño veu cargado de regalos.

Foi toda unha sorpresa. 

Regalounos unha lámina preciosa dun Gaiteiro. 

Un cadro fermosísimo cheo de cores e música que colocaremos nun lugar ben visible da Biblioteca.

Regalounos tamén un lote enteiro de libros de banda deseñada:

unha recompilación dalgunhas das tiras cómicas que publica diariamente no xornal do Faro.

Durante a visita charlou e debuxou. 

Dedicounos as láminas que debuxou en directo para o colexio.

 Enormes ilustracións 

que en poucos minutos creaba de forma personalizada.

Fixo para o colexio unha caricatura de Ramón Otero Pedrayo.

Este pasado verán recollía o premio 

"Trasalba trazando a Otero Pedrayo" 

Debuxou unha chalana chamada "Sequeliña". Encantounos.

Moitas Grazas por personalizar. Impresionante!!!

Fíxonos rir co seu primeiro debuxo, 

un dos personaxes máis coñecidos nas súas tiras cómicas.

Publicamos estes vídeos para que poidades desfrutar de novo 

da maxia de Luís Davila cando debuxa.

Moitas Grazas por compartir connosco o teu arte e humor.

Ao terminaren a charla firmou un cento de debuxos e pinturas que o alumnado lle acercaba.

Canta paciencia! 

Todos queriamos a súa firma como recordo persoal.

MOITAS GRAZAS

Non o deixamos marchar 

sen algunha foto de grupo para o recordo.

  

RADIO ESCOLAR

Entrevista a Luís Davila

E todavía, case sen tempo, 

dedicounos uns minutiños na Radio Escolar.

Unha representación da aula de 4º formada por Camila, Mael e Aixa, 

tiña preparadas unhas preguntas 

que Davila contestou con moito agarimo.

Un gran día a recordar para o noso alumnado.

PRENSA

Publicación de Prensa

Unha moi especial Semana do Libro

BIBLIOTECA "LUÍS DAVILA"

CEIP SEQUELO-MARÍN 2023-2024

Busca do Tesouro do Pirata na Biblioteca

BUSCA DO TESOURO 
"Pirata Pata de Pau"

Co gallo da Semana do Libro algúns cursos de Primaria  

apuntáronse a unha busca do tesouro na Biblioteca.

Relacionouse para a actividade unha busca do tesouro 

sobre o "Día das persoas con extremidades diferentes"

coa CDU, 

a clasificación universal dos libros nos estantes da Biblioteca.

A razón foi pasalo ben entre os libros 

dándolle ao mesmo tempo 

difusión a esta data e ao tema da diversidade.

 

Cunha man ao lombo, á pata coxa, pintando coa boca... 

unha xincana ben divertida na Biblioteca.

Clase de 2º de Primaria

Clase de  3º

Tesouro atopado!!!

Obradoiros de Cómic e Poesía pola Semana do Libro

 

Semana do Libro
O CÓMIC

Obradoiro de Cómic. 

Ricardo Pazos alumno de 3º da ESO do IES Mestre Landín 

veu polo noso centro para contar ao alumnado de 3º e 4º 

a súa experiencia como ilustrador de comic.  

Publica os seus comics 

na revista da asociación cultural Céltica Galicia. 

Ensinou aos nenos e nenas como iniciarse 

na creación de personaxes para os cómics.

Debuxos do alumnado de 3º

Ricardo Pazos

📚📙📙📚📚📚📚📚📚📘📘📘📘📚📗📗📗📗

A POESÍA

Obradoiro de Poesía

Ao mesmo tempo que o obradoiro de cómic, no curso de 5º o alumnado compartía versos baixo a dirección de Richard Pazos.

MOITAS GRAZAS!