Visitas a Exposición "40 Anos de Escola"

As visitas a exposición de todo alumnado foron a posta en común final de todo o proxecto. 

Pouco a pouco todos os cursos do colexio, así como os pais do noso alumnado e antigos alumnos foron pasando pola nosa exposición. Moi loable a labor dos nos@s guías da exposición que lograron sobrepoñerse aos nervios e fixérono así de ben explicando e respondendo ás preguntas dos seus compañeir@s e demais visitas.

A celebración do 40 Aniversario na prensa.

Así vimos refletida a inauguración da nosa exposición "40 Anos de Escola" e a celebración oficial do 40 Aniversario do colexio na prensa local.

 

Diario de Pontevedra: http://diariodepontevedra.galiciae.com/nova/336617-ceip-sequelo-celebra-40-primaveras-exposicion-historia

Faro de Vigo: http://www.farodevigo.es/portada-pontevedra/2014/06/04/colegios-sequelo-seixo-fiesta/1036119.html

Apertura da Exposición "40 Anos de Escola"

Despois de moito traballo por parte de toda a comunidade escolar onte inauguramos a Exposición "40 Anos de Escola", culminación do proxecto que estivemos a traballar durante todo o ano e acto principal na celebración do 40 Aniversario do CEP Sequelo.  Grazas a todos os antigos mestres, antigos alumnos e a toda a comunidade escolar por compartir con nós este día tan especial.
Aquí deixamos un resume de como quedou a exposición e de como foi a inauguración.
Recordade que podedes visitala durante os próximos quince días.

Invitación á Exposición "40 Anos de Escola"

Estimados/as nais, pais, titores/as e alumnos/as:

           

Neste curso estamos organizando diversas actividades coordinadas polo Equipo de Dinamización da Biblioteca do centro con motivo da celebración do 40 aniversario da apertura do colexio, no curso escolar 1973/74.
   Unha das principais actividades contempladas neste proxecto conmemorativo chamado Proxecto Documental Integrado “40 anos de Escola” consiste nunha exposición que poderá ser visitada por Vdes. entre os días 2 e 13 de xuño, en horario de 13:10 a 14:00 horas, é dicir, na última sesión da xornada lectiva.

     Na exposición poderán visitar diversas dependencias do colexio nas que figuran os traballos realizados polos nosos alumnos con motivo deste aniversario e diverso material escolar antigo, desde libros de texto, lectura e consulta, ata mapas, material de ciencias e tecnoloxía e outras curiosidades da época.
   Tamén poderán visitar as dependencias do centro equipadas co material informático máis moderno, como as aulas Abalar e as equipadas con pizarras dixitais, xa que o que se pretende con esta actividade é amosarlles a evolución da escola desde as últimas décadas do século pasado ata a actualidade.
    Esperando contar coa súa presenza, reciban un cordial saúdo.

                         

Asdo.: Rafael Martínez Martí, director

Solicitude de colaboración para exposición "40 Anos de Escola"

Estimadas familias:

Como xa saben este curso celebramos o 40 Aniversario do colexio e, aproveitando tal evento, estivemos desenrolando o Proxecto Documental Integrado “40 Anos de Escola”, para o que solicitamos a vosa colaboración ao longo de todo o curso.

Pois ben o curso remata e con el o nos proxecto, para o que vos pedimos unha última colaboración: trátase de aportardes materiais antigos que poidades ter da vosa etapa escolar (libros, cadernos, pizarras, estoxos, mapas…) coa fin de realizar unha expoción na que se pretende amosar unha historia viva da evolución da escola; así como dos traballos realizados polo alumnado ao longo de todo o curso.

A exposición pretende estar preparada o día 30 de maio, xa que o 3 de xuño celebraremos una xornada de portas abertas na que a poderán visitar, así como ver as instalación e equipamentos cos que conta o centro.

Agradecemos de antemán a vosa participación.

NOTA
Os materiais que aporten serán etiquetados e devoltos unha vez finalizada a exposición.