Hola nenos e nenas, benvidos a un curso máis a biblioteca do CEIP Sequelo que, como veredes cando a visitedes, quedounos ben "feitiña".
O curso pasado iniciamos o PLAMBE, que nos permitiu renovar e actualizar os fondos da Biblioteca e o mobiliario. Este ano continuaremos na mesma liña.
Grazas á reforma levada a cabo no colexio, puidemos ampliar a biblioteca, engadindo un espazo para radio, croma, robótica e ordenadores para búsquedas de información. Ademais agora é máis espazosa e luminosa, e incluso ten dúas ramplas de acceso.
Aínda nos quedan por recolocar e reubicar algúns fondos, pero pronto estará lista para que a poidades desfrutar.
Iniciaremos un novo PDI centrado na protección e coidado do noso planeta, facéndoo extensivo aos hábitos de vida saudables que titulamos "Protexo o meu planeta! Protéxomeu eu!", do que informando a medida que avance o curso.
Birlo, a mascota da Biblioteca que xa coñecedes, tenvos preparada algunha sorpresiña.
Un saúdo, vémonos pronto aquí, na biblioteca.
No hay comentarios:
Publicar un comentario